წინამდებარე „აპლიკაციით სარგებლობის წესები და პირობები“ წარმოადგენს ხელშეკრულებას, რომელიც სამართლებრივად მბოჭავი ძალის მქონეა „კომპანიისთვის“ და „მომხმარებლისთვის“ ამავე ხელშეკრულებით გათვალისწინებული მოცულობით.

თქვენ, როგორც „მომხმარებელი“  Tati-ს აპლიკაციით  სარგებლობის დაწყებამდე ვალდებული ხართ, ყურადღებით გაეცნოთ წინამდებარე ტექსტს.

„Tati-ს პლატფორმის“ მოხმარების დაწყებისთანავე თქვენ ავტომატურად ხდებით წინამდებარე „აპლიკაციით სარგებლობის წესების და პირობების“ მხარე და შესაბამისად თქვენზე სრული მოცულობით ვრცელდება მასში აღწერილი უფლებები, ვალდებულებები, აკრძალვები და პასუხისმგებლობები.

ტერმინთა განმარტება

წინამდებარე  “აპლიკაციით სარგებლობის წესებსა და პირობებში” გამოყენებულ ტერმინებს და განმარტებებს აქვთ ქვემოთ განსაზღვრული მნიშვნელობა, გარდა იმ შემთხვევებისა, თუ დოკუმენტის კონტექსტიდან აშკარად სხვა რამ არ გამომდინარეობს:

„კომპანია“ – შპს „პაუ გრუპი“ (საიდენტიფიკაციო ნომერი 405622349), რომელიც რეგისტრირებულია და მოქმედებს საქართველოს კანონმდებლობის საფუძველზე, წარმოადგენს www.tati.app-ს, ასევე Tati-ს აპლიკაციის საავტორო უფლების მფლობელს და რომელიც „მომხმარებლების“ და „პარტნიორი“ ერთმანეთთან დაკავშირების გზით ახორციელებს სამეწარმეო საქმიანობას.

„Tati-ს აპლიკაცია“ – შპს „პაუ გრუპი“-ს მიერ ოპერირებადი აპლიკაცია, რომელიც ყოველგვარი შეზღუდვის გარეშე მოიცავს ვებ–გვერდს www.Tati.ge-ს, Tati-ს აპლიკაციას ან/და ხელმისაწვდომ ყველა სხვა ალტერნატიულ არხს, რომლის დახმარებითაც ხდება „პარტნიორის“ და „მომხმარებლის“ ერთმანეთთან დაკავშირება, „პარტნიორის“ მიერ სასურველი „მომსახურების“ გასაწევად და „მომხმარებლის“ მიერ სასურველი „მომსახურების“ მისაღებად.

„პარტნიორი“ – ფიზიკური ან იურიდიული პირი (გარდა შპს „პაუ გრუპისა“), რომელიც დარეგისტრირებულია „Tati-ს აპლიკაციაზე“ როგორც მომსახურების გამწევი და მზადაა შესაბამისი შეკვეთის მიღების შემთხვევაში გასწიოს მის მიერ შეთავაზებული მომსახურება.

„მომხმარებელი“ – იურიდიული ან ფიზიკური პირი, რომელიც წინამდებარე „აპლიკაციით სარგებლობის წესებით და პირობებით“ გათვალისწინებული წესით რეგისტრირდება „Tati-ს აპლიკაციაზე „პარტნიორისგან“ სასურველი მომსახურების მიღების მიზნით, „Tati-ს პლატფორმის“ საშუალებით უკვეთავს „პარტნიორს“ სასურველ მომსახურებას, ანაზღაურებს მომსახურების ღირებულებას, ცვლილება შეაქვს ან აუქმებს შეკვეთას. „მომხმარებლად“ განისაზღვრება აგრეთვე ნებისმიერი ის პირი, რომელიც ნებისმიერი სხვა მიზნით სტუმრობს „Tati-ს აპლიკაციას“, მიუხედავად აპლიკაციაზე რეგისტრაციის გავლისა.

„აპლიკაციით სარგებლობის წესები და პირობები“ – წინამდებარე სამართლებრივად მბოჭავი დოკუმენტი, რომელიც არეგულირებს „Tati-ს აპლიკაციის“ გამოყენების წესებსა და პირობებს, Tati- ს კონფიდენციალურობის და უსაფრთხოების პოლიტიკას და „შეკვეთის გაუქმების პოლიტიკას“ რომელიც განთავსებულია ვებ–გვერდზე – www.Tati.app, ასევე წინამდებარე ხელშეკრულების ნებისმიერი დანართი, რომლის ტექტსტიც ჩართულია ან შეიძლება მომავალში ჩართული იყოს წინამდებარე დოკუმენტში ბმულის სახით.

„,მომსახურება“ – „პარტნიორის“ მიერ „აპლიკაციით სარგებლობის წესების და პირობების“ და შესაბამისი „მომსახურების ხელშეკრულების“ საფუძველზე „მომხმარებლის“ სასარგებლოდ გასაწევი/გაწეული მომსახურება, რომლის საჯარო შეთავაზებასაც „პარტნიორი“ ახდენს „Tati-ს აპლიკაციის“ საშუალებით 

„Tati-ს აპლიკაციით მომსახურება“ – „კომპანიის“ მიერ „მომხმარებლისთვის“ და „პარტნიორისთვის“ გაწეული საშუამავლო მომსახურება, რომლის მიზანია „მომხმარებელსა“ და „პარტნიორს“ შორის „მომსახურების ხელშეკრულების“ დადების ხელშეწყობა.

„მომსახურების ხელშეკრულება“ – „მომხმარებელსა“ და „პარტნიორს“ შორის „Tati-ს პლატფორმის“ მეშვეობით დამყარებული სამართლებრივი ურთიერთობა, რომელიც წარმოიშობა „მომხმარებლის“ მიერ „Tati-ს აპლიკაციაზე“ შეკვეთის დაფიქსირებისა და „პარტნიორის“ მიერ მისი დადასტურების მომენტიდან და რომელიც მხარეებს შორის შეიძლება არსებობდეს ზეპირი ან წერილობითი სახით. ყოველგვარი გაუგებრობის თავიდან აცილების მიზნით, წინამდებარე „აპლიკაციით სარგებლობის წესებსა და პირობებში“ „მომხმარებლებსა“ და „პარტნიორებს“ შორის არსებული ურთიერთობების მომწესრიგებელი დებულებები უპირობოდ წარმოადგენს „მომხმარებელსა“ და „პარტნიორს“ შორის ზეპირი ან წერილობითი ფორმით დადებული „მომსახურების ხელშეკრულების“ შემადგენელ ნაწილს. „მომსახურების ხელშეკრულების“ არსებითი პირობები, რომელსაც არ ითვალისწინებს წინამდებარე „აპლიკაციით სარგებლობის წესები და პირობები“ შეიძლება დარეგულირდეს „მომხმარებელსა“ და „პარტნიორს“ შორის დადებული ზეპირი ან წერილობითი „მომსახურების ხელშეკრულებით“.

„ანგარიში“ – ნიშნავს „მომხმარებლის“ ან „პარტნიორის“ მიერ „Tati-ს აპლიკაციაზე“ რეგისტრირებულ ანგარიშს, რომელიც გამოიყენება პერსონალური ინფორმაციის შევსების, გასაწევი „მომსახურების“ საჯარო შეთავაზების, „პარტნიორის“ კალენდარის მართვის, პრეტენზიების დაფიქსირების, „პარტნიორის“ შეფასების და აპლიკაციით შეთავაზებული სხვა ფუნქციების შესასრულებლად.

„შეკვეთა“ – „მომხმარებლის“ მიერ „Tati-ს პლატფორმის“ მეშვეობით გაკეთებული კონკრეტული ოფერტი „პარტნიორის“ „მომსახურების“ მიღების შესახებ, რომელზედაც „პარტნიორის“ მიერ აქცეპტის განცხადების გზით იდება „მომსახურების ხელშეკრულება“.

„მომსახურების საფასური“ – თანხა, რომელსაც „მომხმარებელი“ უხდის „პარტნიორს“ ამ უკანასკნელის მიერ გაწეული „მომსახურების“ სანაცვლოდ უნაღდო ანგარიშსწორების ფორმით.

„საკომისიო“ – „მომსახურების საფასურიდან“ „კომპანიის“ სასარგებლოდ გადახდილი ფულადი თანხა, რომლის გადამხდელსაც ამ ხელშეკრულების მიზნებისთვის წარმოადგენს „პარტნიორი“ და „მომხმარებელი“.

„Tati-ს აპლიკაციით მომსახურება“

„Tati-ს აპლიკაციით მომსახურების“ „კომპანიის“ მიერ გაწევა გულისხმობს, „მომხმარებლისათვის“ და „პარტნიორისათვის“ ტექნოლოგიური პლატფორმის შექმნას და ოპერირებას, რომელიც უზრუნველყოფს „მომხმარებლებს“, რათა მათ პლატფორმის გამოყენებით მოახდინონ სასურველი მომსახურების დაგეგმვა და შეკვეთა დამოუკიდებელ მესამე პირებთან – „პარტნიორი“.  ასევე „პარტნიორი“ „Tati-ს პლატფორმა“ აძლევს საშუალებას მისი გამოყენებით მიიღონ შეკვეთები და განახორციელონ შესაბამისი „მომსახურებები“.

თქვენ, როგორც „მომხმარებელი“ წინამდებარე „აპლიკაციით სარგებლობის წესებსა და პირობებზე“ თანხმობით აღიარებთ, რომ „კომპანია“ არ უზრუნველყოფს „მომსახურების“ შეთავაზებას ან გაწევას, ასევე არ უზრუნველყოფს „მომსახურებასთან“ დაკავშირებული ლოჯისტიკური სერვისების ფუნქციონირებას და რომ ყველა ასეთი „მომსახურება“ არის შეთავაზებული და გაწეული დამოუკიდებელი მესამე პირის „პარტნიორის“ მიერ, რომელიც არ წარმოადგენს „კომპანიის“ ან „კომპანიასთან“ აფილირებული რომელიმე პირის თანამშრომელს.

„მომხმარებელს“ და „პარტნიორს“ შორის ურთიერთობები „მომსახურების“ გაწევასთან დაკავშირებით მთლიანად რეგულირდება ერთმანეთს შორის დადებული შესაბამისი „მომსახურების ხელშეკრულებით“, რომელიც „Tati-ს პლატფორმის“ გამოყენებით „მომხმარებლის“ მიერ შეკვეთის განთავსების და „პარტნიორის“ მიერ მისი დადასტურებისთანავე იდება შესაბამის მხარეებს შორის.

„მომხმარებელი“ და „პარტნიორი“ ადასტურებს, რომ „კომპანია“ არ წარმოადგენს ასეთი „მომსახურების ხელშეკრულების“ მხარეს და მასზე არ ვრცელდება „მომსახურების“ გაწევის ან მისი შეუსრულებლობის შედეგად წარმოშობილი ვალდებულებები და პასუხისმგებლობები, მათ შორის „კომპანია“ არ არის პასუხისმგებელი:„პარტნიორის“ კვალიფიკაციაზე;

„პარტნიორის“ მიერ „მომსახურების“ გაწევისას გამოყენებულ მასალებსა და მათ ხარისზე;

„მომხმარებლის“ და „პარტნიორის“ მიერ „კომპანიისთვის“ მიწოდებული პირადი მონაცემების სიზუსტეზე;

„მომხმარებელსა“ და „პარტნიორს“ შორის დადებული „მომსახურების ხელშეკრულების“ ჯეროვან შესრულებაზე;

ნებართვის/ლიცენზიის/სერთიფიკატის არსებობაზე, თუ შესაბამისი „მომსახურების“ გაწევისათვის საქართველოს კანონმდებლობით გათვალისწინებულია მისი არსებობა;

„პარტნიორის“ მიერ მიყენებული ზიანის ანაზღაურებაზე;

„მომხმარებელსა“ და „პარტნიორი“ შორის რაიმე სახის გაუგებრობის/პრეტენზიის არსებობის შემთხვევაში, „კომპანია“ სრულად თავისუფლდება ნებისმიერი მოთხოვნისაგან, რომელიც მხარეებს შესაძლოა ერთმანეთის მიმართ წარმოეშვათ. „კომპანია“ უფლებამოსილია, საკუთარი სურვილით, ჩაერთოს ასეთი გაუგებრობის/პრეტენზიის/დავის გადაწყვეტაში.

„Tati-ს აპლიკაციით“ „მომხმარებლების“ და „პარტნიორების“ სარგებლობის მიზანი

„Tati-ს აპლიკაციით“ სარგებლობა ერთის მხრივ „მომხმარებლების“, ხოლო მეორეს მხრივ „პარტნიორების “ მიერ გამიზნულია იმისთვის, რომ თითოეულ მათგანს შეექმნას მეტი საშუალება თავიანთ ინტერესის საგანში შემავალი „მომსახურების“ მიღებისა და გაწევისთვის.

„პარტნიორისთვის“ „Tati-ს აპლიკაციით“ სარგებლობის მიზანს წარმოადგენს:

ა) მის მიერ საკუთარი „მომსახურების“ საჯარო შეთავაზების მიზნით ინტერნეტ სივრცის გამოყენება; 

ბ) მისი „მომსახურების“ მიღებით დაინტერესებული „მომხმარებლის“ მოძიების გამარტივება;

გ) საკუთარი დროის ეფექტიანად მართვა;

„მომხმარებლისთვის“ „Tati-ს აპლიკაციით“ სარგებლობის მიზანს წარმოადგენს:

ა) საჭირო „მომსახურების“ გამწევი „პარტნიორის“ მოძიებისთვის სათანადო და გამარტივებული ვირტუალური სივრცის გამოყენება;

ბ) „პარტნიორის“ და „მომსახურების“ შერჩევისას მეტი ინფორმაციის მიღება;

გ) „პარტნიორის“ მომსახურების დაჯავშნა მარტივად, სწრაფად, მისთვის სასურველ დროს;

დ) სხვა „მომხმარებლების“ უკუკავშირის საფუძველზე სათანადო კვალიფიკაციის მქონე „პარტნიორებზე“ მეტი ინფორმაციის მიღება;

„Tati-ს აპლიკაციით“ სარგებლობის პირობები

იმისათვის რომ „მომხმარებელმა“ და „პარტნიორმა“  შეძლონ „Tati-ს პლატფორმის“ ძირითადი რესურსებით სარგებლობა, მათ მოეთხოვებათ რომ აპლიკაციაზე გაიარონ რეგისტრაცია და შეინარჩუნონ აქტიური პერსონალური ანგარიში. რეგისტრაციის პროცესში „მომხმარებელი“ და „პარტნიორი“ ვალდებულია განაცხადოს თანხმობა „აპლიკაციით სარგებლობის წესებსა და პირობებზე“ და Tati-ს კონფიდენციალურობის და უსაფრთხოების პირობებზე, წინააღმდეგ შემთხვევაში მათ არ ენიჭებათ აპლიკაციით გათვალისწინებული რესურსებით სარგებლობის უფლება.

„Tati-ს აპლიკაციაზე“ რეგისტრაცია დასაშვებია 18 წელს მიღწეული ფიზიკური პირებისთვის (მიუხედავად მათი მოქალაქეობისა) ან იურიდიული პირებისთვის.

„Tati-ს აპლიკაციაზე“ რეგისტრაცია მოითხოვს რომ „კომპანიისთვის“ პლატფორმის მეშვეობით წარდგენილ იქნას „მომხმარებლის“ ან/და „პარტნიორის“ პერსონალური მონაცემები, მათ შორის, სახელი, გვარი, მისამართი, ტელეფონის ნომერი,ელექტრონული ფოსტის მისამართი, ასევე საბანკო ანგარიშის რეკვიზიტები და ყველა სხვა მონაცემი, რომელსაც კომპანია მიზანშეწონილად თვლის „პარტნიორის“ მიერ „მომხმარებლისთვის“ მომსახურების გასაწევად.

Tati-ს აპლიკაციაზე“ წვდომა და მისი რესურსებით სარგებლობა. ამ პუნქტში გათვალისწინებული ვალდებულების დარღვევამ შეიძლება გამოიწვიოს „კომპანიის“ მხრიდან წინამდებარე ხელშეკრულების ცალმხრივად შეწყვეტა და მიყენებული ზიანის ანაზღაურების მოთხოვნა.

„კომპანია“ უფლებამოსილია, ნებისმიერ დროს მოითხოვოს „მომხმარებლისგან“ ან „პარტნიორისგან“ ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა.

რეგისტრაციის დასრულების შემდეგ „კომპანია“ უფლებამოსილია მოახდინოს „მომხმარებლის“ ან/და „პარტნიორის“ იდენტიფიცირება და ვერიფიკაცია მის მიერ მითითებული ელექტრონული ფოსტის მისამართის ან ტელეფონის ნომრის მეშვეობით. მას შემდეგ, რაც „კომპანია“ მოახდენს „მომხმარებლის“ ან „პარტნიორის“ ვერიფიცირებას, მათ ეძლევათ სრული წვდომა აპლიკაციაზე და მის მიერ შემოთავაზებულ ფუნქციებზე.

ანგარიშის საიდენტიფიკაციო მონაცემები ხელმისაწვდომია მხოლოდ „მომხმარებლების“ ასევე „პარტნიორისთვის“ ინდივიდუალურად მათ მიერ შექმნილ „ანგარიშებზე“, შესაბამისად თითოეული მათგანი არის პასუხისმგებელი საკუთარ „ანგარიშზე“ მესამე პირების მხრიდან არაავტორიზებული წვდომით დამდგარ შედეგებზე. „კომპანია არ არის პასუხისმგებელი (მაგრამ ამავდროულად უზრუნველყოფს ყველა ადეკვატური ღონისძიების განხორციელებას ასეთი არაავტორიზებული წვდომის აღსაკვეთად) მესამე პირებისგან „ანგარიშის“ მფლობელისთვის არაავტორიზებული წვდომის შედეგად მიყენებულ ზიანზე.

„მომხმარებელი“ ან „პარტნიორი“ ვალდებულია შეცვალოს მისი პაროლი და დაუყოვნებლივ დაუკავშირდეს Tati-ს კლიენტთა მომსახურების ცენტრს, იმ შემთხვევაში თუ „მომხმარებელს“ ან „პარტნიორს“ გააჩნია საფუძვლიანი ეჭვი, რომ მის პირად ანგარიშზე შესასვლელი ინფორმაცია, პაროლი ან უსაფრთხოების სხვა წვდომის კოდ(ებ)ი ან საშუალებები იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული.

„მომხმარებელი“ და „პარტნიორი“ უფლებამოსილია „Tati-ს აპლიკაციაზე“ წარადგინოს, ატვირთოს, გამოაქვეყნოს ან სხვაგვარად გახადოს ხელმისაწვდომი ტექსტუალური, აუდიო ან ვიზუალური მონაცემები და ინფორმაცია, რომელიც მათ შორის შეიძლება მოიცავდეს კომენტარებს ან უკუკავშირს (feedback) მომსახურებასთან დაკავშირებით. ნებისმიერი ასეთი ინფორმაცია და მონაცემი წარმოადგენს „კომპანიის“ საკუთრებას, შესაბამისად „კომპანიას“ თავისი მიზნებიდან, მათ შორის მარკეტინგული მიზნებიდან გამომდინარე აქვს შესაძლებლობა „მომხმარებლისგან“ ან „პარტნიორისგან“ დამატებით თანხმობის გარეშე გამოიყენოს ასეთი მონაცემები.

როგორც „პარტნიორი“, ასევე „მომხმარებელი“, ნებისმიერ დროს უფლებამოსილია შეწყვიტოს „Tati-ს აპლიკაციაზე“ საკუთარი რეგისტრაცია. „კომპანია“ ვალდებულია წაშალოს „მომხმარებლის“ ყველა საბანკო ანგარიშის მონაცემი, ამ უკანასკნელის მიერ რეგისტრაციის გაუქმების შემთხვევაში.

„Tati-ს აპლიკაციაზე“ აკრძალული ქმედებები

„მომხმარებელის“ და „პარტნიორის“ მიერ „Tati-ს აპლიკაციაზე“ წარდგენილი ნებისმიერი კონტენტი არ უნდა არღვევდეს მესამე პირის უფლებებს და არ შეიცავდეს სიძულვილის ენას, უცენზურო ტერმინოლოგიას, მოწოდებას ძალადობისკენ, კანონსაწინააღმდეგო ან ცრუ ინფორმაციას, პორნოგრაფიულ გამოსახულებას. „კომპანია“ უფლებამოსილია გაუწიოს მონიტორინგი და განიხილოს ასეთი მონაცემების და ინფორმაციის შესაბამისობა ამ პირობებთან და ნებისმიერ დროს საკუთარი ცალმხრივი ნების საფუძველზე წაშალოს ან სხვაგვარად გააუქმოს ამ წესებთან წინააღმდეგობაში მყოფი მონაცემები.

მკაცრად აკრძალულია ისეთი „მომსახურების“ შეთავაზება ან მოთხოვნა, რომელიც განკუთვნილია შემდეგი სახის პროდუქციის შეძენის ან გაყიდვისთვის:

• ნარკოტიკული საშუალებები ან მასთან დაკავშირებული ატრიბუტები;
• ცეცხლსასროლი იარაღი ან საბრძოლო მასალა;
• იარაღი და დანები;
• საკაბელო და სატელიტური ტელევიზიების სიგნალის ჩამხშობი მოწყობილობები;
• პორნოგრაფიული მასალა;
• არალიცენზირებულ ლატარიასა და აზარტულ თამაშობებთან დაკავშირებული მომსახურება;
• მრავალდონიანი მარკეტინგული, პირამიდის სტილის სავაჭრო ან Ponzi სქემები, მატრიცა პროგრამები ან სხვა სწრაფი გამდიდრების სქემები ან მაღალშემოსავლიანი საინვესტიციო პროგრამები;
• საქონელი ან მომსახურება, რომელიც არღვევს მესამე პირთა ინტელექტუალური საკუთრების უფლებებს, რომელიც შეზღუდვის გარეშე მოიცავს ელექტრონული სახის გადმოსაწერი პროგრამებით არაკანონიერ სარგებლობას;
• სხვა ნებისმიერი პროდუქცია ან საქონელი, რომელსაც „კომპანია“ მიიჩნევს აპლიკაციით სარგებლობის მიზნებთან შეუთავსებლად;
• იმ შემთხვევაში, თუ „მომხმარებელი“ ან „პარტნიორი“ განახორციელებს, ან შეეცდება განახორციელოს ოპერაცია ამ მუხლში მითითებული ამკრძალავი დებულებების დარღვევით,

„კომპანია“ უფლებას იტოვებს ცალმხრივად:

შეწყვიტოს ან შეაჩეროს „მომხმარებელის“ ან „პარტნიორის“ პირადი „ანგარიშის“ ფუნქციონირება; ან/და აცნობოს სამართალდამცავ ორგანოებს განხორციელებული ოპერაციის შესახებ; ან/და მოითხოვოს „მომხმარებელისგან“ ან „პარტნიორისგან“ მიყენებული ზიანის ანაზღაურება; 

„პარტნიორს“ ეკრძალება „შეკვეთის“ მიღების შემდეგ საკუთარი ვალდებულებების გადაკისრება სხვა მომსახურების გამწევს პირებზე. „პარტნიორი“ ვალდებულია პირადად გასწიოს მიღებული „შეკვეთა“. 

„მომხმარებელის“ ან „პარტნიორის“ მიერ წინამდებარე წესებისა და პირობებით განსაზღვრული ვალდებულებების დარღვევა გამოიწვევს მის პასუხისმგებლობას. „კომპანია“ იტოვებს უფლებას, პირველი დარღვევისას დაბლოკოს „მომხმარებელის“ ან „პარტნიორის“ „ანგარიში“, ამ უკანასკნელთა მხრიდან 1 (ერთი) თვის ვადის გასვლის შემდეგ „ანგარიშის“ განბლოკვის მოთხოვნით „კომპანიისადმი“ მიმართვის შესაძლებლობით, ხოლო განმეორებითი დარღვევის შემთხვევაში, განუსაზღვრელი ვადით, აღდგენის შესაძლებლობის გარეშე მოახდინოს შესაბამისი „ანგარიშის“ ბლოკირება.

„პარტნიორის“ მიერ „Tati-ს პლატფორმის“ მეშვეობით „მომხმარებლებისთვის“ გასაწევი „მომსახურება“

„Tati-ს პლატფორმის“ გამოყენებით „მომსახურების“ შეთავაზების და გაწევის უფლება აქვს „პარტნიორს“, რომელსაც აქვს სათანადო ცოდნა, კვალიფიკაცია და გამოცდილება შესაბამის სფეროში და რეგისტრირებულია აპლიკაციაზე.

ყოველგვარი შეზღუდვის გარეშე „პარტნიორი“ უფლებამოსილია დამოუკიდებლად, „Tati-ს პლატფორმის“ გამოყენების გარეშე მოიძიოს „მომხმარებლები“ და გასწიოს მათ სასარგებლოდ იგივე მომსახურება, რასაც პლატფორმის მეშვეობით სთავაზობს მომხმარებლებს. ამ შემთხვევაში პლატფორმის გარეშე განხორციელებულ მომსახურებაზე არ ვრცელდება წინამდებარე „აპლიკაციით სარგებლობის წესები და პირობები“.

„კომპანია“ უფლებამოსილია, ერთპიროვნული გადაწყვეტილებით უარი განაცხადოს „პარტნიორის“ რეგისტრაციაზე, რასთან დაკავშირებითაც იგი არ არის ვალდებული, განმარტოს უარის თქმის მიზეზები.

„პარტნიორს“ შეუძლია პირადი „ანგარიშის“ საშუალებით განსაზღვროს ის ტერიტორია, სადაც სურს „მომსახურების“ გაწევა. აღნიშნული ინფორმაცია იქნება საჯაროდ ხელმისაწვდომი და გამოყენებულ იქნება „მომხმარებლისთვის“ შესაბამისი „პარტნიორის“ შესახებ ინფორმაციის პლატფორმის მეშვეობით მიწოდებისას. „პარტნიორი“ უფლებამოსილია პერიოდულად დაამატოს/შეამციროს ან/და შეცვალოს ასეთი ინფორმაცია.

„პარტნიორი“ „Tati-ს პლატფორმის“ მეშვეობით „მომსახურების“ შეთავაზებისას საკუთარ თავზე სრულად იღებს პასუხისმგებლობას, რომ მის მიერ გაწეულ „მომსახურებასთან“ დაკავშირებით მას გააჩნია სათანადო კვალიფიკაცია, ცოდნა და გამოცდილება, საჭირო აღჭურვილობა და ინვენტარი და რომ მის მიერ გაწეული „მომსახურების“ შედეგად წარმოშობილ საკითხებზე სრულად თვითონ არის პასუხისმგებელი.

„Tati-ს პლატფორმის“ მეშვეობით „პარტნიორის“ მიერ „მომსახურების“ შეთავაზება ან გაწევა არ შეიძლება განხილულ იქნას „კომპანიის“ მიერ მომსახურების შეთავაზებად ან გაწევად. „მომხმარებლებთან“ ურთიერთობაში „მომსახურების“ გამწევს წარმოადგენს მხოლოდ „პარტნიორი“. „კომპანია“ თავისუფალია ყოველგვარი პასუხისმგებლობისგან, რომელიც შეიძლება მოჰყვეს „პარტნიორის“ მიერ „მომსახურების“ გაწევას, მათ შორის, არაჯეროვან მომსახურებას, „მომსახურების“ გაწევის პროცესში „პარტნიორის“ მიერ ცხოველის დაზიანებას/განადგურებას, „მომსახურების ხელშეკრულებისა“ და გარანტიის პირობების დარღვევას, მოქმედ კანონმდებლობასა და რეგულაციებთან შეუსაბამობას და ა.შ.

„პარტნიორის“ მიერ „მომსახურების“ გაწევის პრინციპები

მიუხედავად იმისა, რომ „პარტნიორი“ წარმოადგენს „კომპანიისგან“ დამოუკიდებელ პირს და ის არ არის „კომპანიის“ თანამშრომელი, აგენტი ან წარმომადგენელი, ასევე მიუხედავად იმისა, რომ „კომპანიის“ და „პარტნიორის“ ურთიერთობებზე არ ვრცელდება შრომითი ურთიერთობების ან/და წარმომადგენლობის მომწესრიგებელი კანონმდებლობა, „პარტნიორი“ აცნობიერებს, რომ მის მიერ გაწეული „მომსახურების“ ხარისხი გავლენას ახდენს „კომპანიის“ და „Tati-ს პლატფორმის“ რეპუტაციაზე. შესაბამისად ყოველი ინდივიდუალური „პარტნიორის“ მიერ საკუთარი ვალდებულებების შეუსრულებლობამ, ან არაკეთილსინდისიერმა შესრულებამ, შეიძლება საფრთხის ქვეშ დააყენოს „Tati-ს პლატფორმის“ ფუნქციონირება და სხვა „პარტნიორების“ მიერ „მომხმარებლების“ მოზიდვა.

წინა პუნქტში აღნიშნულის გათვალისწინებით, „პარტნიორები“ „Tati-ს აპლიკაციაზე“ რეგისტრაციით იძლევიან გარანტიას, რომ „მომსახურების“ გაწევისას მათ მიერ დაცული იქნება ამ მუხლით გათვალისწინებული „მომსახურების“ გაწევის პრინციპები.

„მომსახურების“ გაწევისას „პარტნიორები“:

• იქნებიან კოლეგიალურები, რაც გამორიცხავს სხვა კოლეგების მიერ შესრულებული სამუშაოს რაიმე ფორმით დაკნინების მცდელობას;
• დაიცავენ ეთიკის წესებს „მომხმარებლებთან“ ურთიერთობისას;
• ყველა ღონეს მიმართავენ კონფლიქტების თავიდან ასარიდებლად;
• იქნებიან თავაზიანები და კომუნიკაბელურები;
• იქნებიან მოწესრიგებულნი, გულწრფელები და პასუხისმგებლობის გრძნობით მიუდგენიან თავიანთ შესასრულებელ სამუშაოს;
• დროულად მოახდენენ „შეკვეთის“ შესასრულებას;

„პარტნიორს“ „შეკვეთის“ შესრულებისას ეკრძალება: 

(ა)არაფხიზელ მდგომარეობაში საქმის შესრულება(ალკოჰოლური ან ნარკოტიკული საშუალების ზემოქმედების ქვეშ ყოფნა); 

 (გ) საქმის განხორციელება მაღალი ტემპერატურით, გრიპის ან სხვა ვირუსის ნიშნების არსებობისას; 

(დ) „მომსახურების საფასურის“ ცვლილება „მომხმარებლის“ წინასწარი გაფრთხილების გარეშე და მხოლოდ იმ შემთხვებაში, თუ შესასრულებელია წინასწარ შეთანხმებულის გარდა დამატებითი სამუშაოები; 

„პარტნიორი“ ვალდებულია „შეკვეთის“ შესრულებისას თან იქონიოს ყველა აუცილებელი ხელსაწყო და აღჭურვილობა, გამართულ და სუფთა მდგომარეობაში. „პარტნიორი“ ვალდებულია „მომხმარებელი“ გააფრთხილოს მომსახურების შესრულებისას ყველა შესაძლო გართულების შესახებ. 

„კომპანია“ უფლებამოსილია დროგამოშვებით დაგეგმოს და განახორციელოს ე.წ. „მისტიური ჯავშნები“ „პარტნიორების“ მიერ წინამდებარე პუნქტით და „აპლიკაციით სარგებლობის წესებისა და პირობების“ სხვა პუნქტებით გათვალისწინებული პირობების დაკმაყოფილებაზე მონიტორინგის განხორციელების მიზნით. აღნიშნული მხოლოდ და მხოლოდ მიზნად ემსახურება Tati-ს პლატფორმისადმი“ „მომხმარებლების“ და „პარტნიორების“ ნდობის მაღალი ხარისხის შენარჩუნებას და სხვა „პარტნიორების“ და „მომხმარებლების“ მოზიდვას აპლიკაციით გათვალისწინებული ურთიერთობების დამყარების მიზნით.

„მომხმარებლის“ მიერ სასურველი მომსახურების არჩევა და „შეკვეთის“ განთავსება

„Tati-ს აპლიკაცია“ „მომხმარებელს“ ავტორიზაციის გავლის შემდეგ საშუალებას აძლევს გადავიდეს მთავარ გვერდზე, საიდანაც მას შეუძლია სხვადასხვა ინფორმაციაზე წვდომა განთავსებული ნავიგაციის ღილაკების მეშვეობით.

„მომხმარებელი“ შეკვეთის განთავსების მიზნით მთავარი მენიუდან ირჩევს „კატეგორიას“, რის შემდეგაც ეკრანზე მიმდევრობით ჩნდება რამდენიმე ფანჯარა დამაზუსტებელი შეკითხვებით. სასურველი პასუხების მონიშვნის შემდეგ „Tati-ს აპლიკაცია“ შეარჩევს „მომხმარებლისთვის“ სასურველ „მომსახურებას“.

„მომხმარებლის“ მიერ მონაცემების შეყვანის შემდეგ ეკრანზე გამოჩნდება „მომხმარებლისთვის“ სასურველ პერიოდში და ადგილმდებარეობაზე ხელმისაწვდომი „პარტნიორისა“ და სერვისების სია. 

სასურველი „პარტნიორის“ და „მომსახურების“ გაწევის დროის არჩევის შემდეგ „მომხმარებელი“ გადამისამართდება ანგარიშსწორების გვერდზე, რომლის მეშვეობითაც „მომხმარებელი“ გადაიხდის „მომსახურების საფასურს“.

„მომსახურების საფასურის“ გადახდის შემდეგ „შეკვეთა“ დაფიქსირებულად მიიჩნევა და „შეკვეთის“ შესახებ ინფორმაცია ეგზავნება შესაბამის „პარტნიორს“ მობილური აპლიკაციის მეშვეობით. „პარტნიორებს“ ეკისრება ვალდებულება „მომსახურება“ გასწიოს „შეკვეთაში“ მითითებულ დროს, ადგილზე და „მომხმარებლის“ მიერ განსაზღვრული მოცულობით, გარდა ისეთი შემთხვევისა, როდესაც „პარტნიორს“ პატივსადები საფუძვლიდან გამომდინარე აქვს შეკვეთის გაუქმების უფლებამოსილება.

„პარტნიორისთვის“ „მომსახურების საფასურის“ გადახდა „მომხმარებლის მიერ“

„Tati-ს პლატფორმის“ საშუალებით „მომსახურების“ „შეკვეთისას“, „მომხმარებელი“ უნაღდო ანგარიშსწორების გზით, საბანკო პლასტიკური ბარათის გამოყენებით იხდის „მომსახურების საფასურს“, რომელიც ყოველგვარი შეზღუდვის გარეშე შედგება „პარტნიორის“ მიერ მისაღები ანაზღაურებისგან, ასევე „კომპანიის“ და ბანკის „საკომისიოსგან“.

„შეკვეთის“ გაუქმება „მომხმარებლის“ ან „პარტნიორის“ მიერ

„შეკვეთის“ დაფიქსირების და მისი „მომსახურების საფასურის“ „მომხმარებლის“ მიერ გადახდის შემდეგ, „პარტნიორს“ ეკრძალება გააუქმოს მიღებული „შეკვეთა“, თუ გაუქმებისთვის მას არ გააჩნია პატივსადები საფუძველი.

„შეკვეთის“ დაწყებამდე „მომხმარებელი“ უფლებამოსილია გააუქმოს „შეკვეთა“ პირად გვერდზე „შეკვეთების“ გრაფაში „განთავსებული შეკვეთის გაუქმება“ ღილაკის მონიშვნით.

„მომხმარებლის“ მიერ „შეკვეთის“ გაუქმება, იმის შესაბამისად თუ რა დროა დარჩენილი „შეკვეთის“ შესრულების დაწყებამდე, ან რა სტატუსით არის „შეკვეთა“, იწვევს გადახდილი „მომსახურების საფასურის“ სრულად ან ნაწილობრივ დაბრუნებას „მომხმარებლისთვის“ ან მის დაუბრუნებლობას. „შეკვეთის“ გაუქმებისას „მომსახურების საფასურის“ ან „საკომისიოს“ ანაზღაურების საკითხები რეგულირდება „შეკვეთის გაუქმების პოლიტიკის“ შესაბამისად, რომელიც განთავსებულია „Tati-ს აპლიკაციაზე“ და წარმოადგენს წინამდებარე „აპლიკაციით სარგბლობის წესების და პირობების“ შემადგენელ და განუყოფელ ნაწილს.

„კომპანია“ იტოვებს უფლებას, 24 (ოცდაოთხი) საათის განმავლობაში „მომხმარებლის“ მიერ 3 (სამი) „შეკვეთის“ გაუქმების შემთხვევაში, შეუზღუდოს მას „Tati-ს პლატფორმის“ გამოყენება. „მომხმარებლისათვის“ „Tati-ს პლატფორმის“ გამოყენების შეზღუდვა შეიძლება გაგრძელდეს 6 (ექვსი) თვემდე ვადით, რის შემდეგაც „მომხმარებელი“ უფლებამოსილია, კლიენტთა მომსახურების ცენტრის დახმარებით ხელახლა გაააქტიუროს ანგარიში.

„მომხმარებლის“ მიერ „შეკვეთის“ გაუქმებისას „მომხმარებელს“ გადახდილი „მომსახურების საფასური“ ან მისი ნაწილი უბრუნდება:

ა) სრულად დაბრუნების შემთხვევაში – როგორც „პარტნიორისგან“ (ამ უკანასკნელის მიერ მიღებული „მომსახურების საფასურის“ შესაბამისი ნაწილი, „საკომისიოს“ გამოკლებით), ასევე „კომპანიისგან“ („კომპანიის“ მიერ მიღებული „საკომისიოს“ შესაბამისი ნაწილი);

ბ) ნაწილობრივ დაბრუნების შემთხვევაში – დასაბრუნებელი თანხის შესაბამის ნაწილს ფარავს „პარტნიორი“ მის მიერ მიღებული „მომსახურების საფასურიდან“.

უფლებები „Tati-ს აპლიკაციაზე“

„Tati-ს აპლიკაციაზე“ საავტორო უფლებები ეკუთვნის „კომპანიას“ – შპს „ფაუ გრუფს“. ნებისმიერი უფლებები, რაც დაკავშირებულია „Tati-ს აპლიკაციასთან“, მის გამოყენებასთან, სარგებლობასთან და სხვა, ასევე ნებისმიერი კონტენტი, მათ შორის აუდიო/ვიდეო, ფოტოსურათები, მათ შორის „მომხმარებლების“ და „პარტნიორების“ გამოსახულებების შემცველი ფოტოსურათები წარმოადგენს „კომპანიის“ ექსკლუზიურ საკუთრებას.

„მომხმარებლის“ ან „პარტნიორის“ მიერ „Tati-ს აპლიკაციით“ სარგებლობა არ იძლევა უფლებას, რომ „მომსახურების“ შეთავაზებისას, შეკვეთისას ან გაწევისას რაიმე გზით ხდებოდეს მინიშნების გაკეთება „კომპანიის“ სახელზე, ლოგოზე, პროდუქტის ან მომსახურების დასახელებაზე, სასაქონლო ნიშნებზე, თუ ამგვარის თაობაზე არ იარსებებს „კომპანიის“ წინასწარი თანხმობა.

თქვენ როგორც „მომხმარებელს“ ან „პარტნიორს“ არ გაქვთ უფლება რომ:

ა) მოახდინოთ კომპიუტერული პროგრამის რეპროდუცირება ნებისმიერი საშუალებითა და ფორმით, მთლიანად ან ნაწილობრივ;

ბ) მოახდინოთ კომპიუტერული პროგრამის პროგრამირების ერთი ენიდან მეორე ენაზე გადატანა, ადაპტირება, სისტემატიზება ან სხვაგვარი ცვლილება და მიღებული შედეგების რეპროდუცირება;

გ) კომპიუტერული პროგრამის საშუალებით შექმნათ დერივატიული ნამუშევარი, გაასხვისოთ, გასცეთ ლიცენზია, საჯაროდ აჩვენოთ გადასცეთ ან სხვა ფორმით ხელყოთ „კომპანიის“ საავტორო უფლება Tati-ს აპლიკაციაზე“.

დ) მოახდინოთ მონაცემების კოპირება, მათზე დაყრდნობით მონაცემთა ბაზების შექმნა, ან განახორციელონ პროგრამაზე სხვაგვარი არაავტორიზებული და არასანქცირებული მოქმედებების შესრულება;

მხარეთა პასუხისმგებლობები

„აპლიკაციით სარგებლობის წესებსა და პირობებზე“ თანხმობით, როგორც „მომხმარებელი“ ასევე „პარტნიორი“ აღიარებს, რომ „კომპანია“ არ წარმოადგენს იმ „მომსახურებების“ შემთავაზებელ ან გამწევ სუბიექტს, რომელთა „შეკვეთაც“ „Tati-ს პლატფორმის“ მეშვეობით ხდება „მომხმარებლის“ მიერ. შესაბამისად „კომპანია“ არ აგებს პასუხს მათ შორის:

• „მომსახურების“ განხორციელების დაყოვნებისათვის;
• „მომსახურების“ არაჯეროვანი შესრულების ან შეუსრულებლობისთვის;
• „მომსახურების საფასურის“ ანაზღაურებაზე უარის თქმისთვის ან ნაწილობრივი ანაზღაურებისთვის;
• „პარტნიორის“ მიერ „მომსახურების“ გაწევისას „მომხმარებლის“ ან მესამე პირის ქონების დაზიანებისთვის;
• „პარტნიორის“ მიერ „მომხმარებლისთვის“ გაწეული მომსახურებიდან გამომდინარე გადასახადების განსაზღვრასა და გადახდაზე;

აგრეთვე ყველა იმ მოქმედებისთვის ან უმოქმედობისთვის, რომელზეც პასუხისმგებელი „მომსახურებასთან“ დაკავშირებით შეიძლება იყოს მხოლოდ „პარტნიორი“ ან „მომხმარებელი“; მომხმარებელი“ და „პარტნიორი“ ერთმანეთს შორის წარმოშობილ ურთიერთობებზე პასუხს აგებენ მათ შორის დადებული „მომსახურების ხელშეკრულებისა“ (ზეპირი ან წერილობითი) და მოქმედი კანონმდებლობის საფუძველზე. მომხმარებელი“ ან/და „პარტნიორი“ წინამდებარე „აპლიკაციით სარგებლობის წესებით და პირობებით“ გათვალისწინებული მიზნების, პრინციპების, ვალდებულებების ან აკრძალვების შეუსრულებლობისათვის „კომპანიის“ წინაშე წარმოშობილ ზიანზე, რომელიც მათ შორის მოიცავს პირდაპირ ზიანს, არაპირდაპირ ზიანს, შედეგობრივ ზიანს, რეპუტაციულ ზიანს და სხვა, პასუხს აგებენ სრული მოცულობით, საქართველოს კანონმდებლობის შესაბამისად.

„აპლიკაციით სარგებლობის წესებსა და პირობებში“ ცვლილებების შეტანა

„კომპანია“ უფლებამოსილია პერიოდულად ცალმხრივად განახორციელოს ცვლილებები და დამატებები „აპლიკაციით სარგებლობის წესებსა და პირობებში“ „მომხმარებლის“ და „პარტნიორის“ მიერ შემდგომი დამატებითი თანხმობის მიღების გარეშე. ასეთი ცვლილებები ძალაში შევა მათი „Tati-ს აპლიკაციაზე“ გამოქვეყნების შემდეგ.

„კომპანია“ უფლებამოსილია, მაგრამ არ არის ვალდებული ცვლილებების შესახებ აცნობოს მომხმარებელს“ და „პარტნიორს“ „კომპანიის“ საინფორმაციო საშუალებების, მათ შორის ვებ– გვერდის ან „კომპანიისთვის“ ხელმისაწვდომი ნებისმიერი სხვა არხით ან/და ელექტრონული ფოსტის საშუალებით.

„მომხმარებლის“ და „პარტნიორის“ მიერ „Tati-ს პლატფორმის“ გამოყენების გაგრძელება ასეთი ცვლილებების ან/და დამატებების „Tati-ს აპლიკაციაზე“ განთავსების შემდეგ, წარმოადგენს თანხმობას შესაბამის ცვლილებებსა და დამატებებზე.

პერსონალური მონაცემების დამუშავება

პერსონალური ინფორმაცია, რომელსაც „კომპანია“ მოიპოვებს „მომხმარებლებისგან“ ან „პარტნიორისგან“, მუშავდება წინამდებარე წესებში განსაზღვრული პერსონალური მონაცემების დამუშავებისა და დაცვის პოლიტიკის შესაბამისად.

„Tati-ს აპლიკაციაზე“ რეგისტრაციით თქვენ თანხმობას აცხადებთ, რომ „კომპანია“ უფლებამოსილია კანონმდებლობით ნებადართული მიზნებით, მათ შორის, სარეკლამო მიზნებით დაამუშავოს თქვენი პერსონალური მონაცემები, გამოგიგზავნოთ სარეკლამო სმს ან ელექტრონული ფოსტის შეტყობინებები.

„მომხმარებლის“ ან „პარტნიორის“ პერსონალური მონაცემების გადაცემა მესამე პირებისთვის სხვა მიზნით, გარდა იმ მიზნებისა, რაც მოცემულია წინამდებარე მუხლში დასაშვებია მხოლოდ კანონმდებლობით გათვალისწინებულ შემთხვევებში, კომპეტენტური ორგანოს მიმართვის საფუძველზე (მაგ. სასამართლოს ბრძანება, განჩინება და სხვა).

„მომხმარებელი“ და „პარტნიორი“თანახმაა, ეფექტური მომსახურების გაწევისა და შეთავაზების მიზნით, პირადი ანგარიშის გახსნის შემდგომ, ხელშეკრულების შეწყვეტამდე, „კომპანიამ“ მოიძიოს, გადაამოწმოს და დაამუშავოს მათ მიერ მითითებული ან მასთან დაკავშირებული ნებისმიერი, მათ შორის პერსონალური ინფორმაცია.

„აპლიკაციით სარგებლობის წესების და პირობების“ სხვა დებულებანი

ამ „აპლიკაციით სარგებლობის წესების და პირობების“ საფუძველზე წარმოშობოლ ურთიერთობებზე ვალდებულების შესრულების ადგილია ქ. თბილისი.

თუ „აპლიკაციით სარგებლობის წესების და პირობების“ ნებისმიერი მუხლი ან მისი ნაწილი, რაიმე კანონის ძალით აღმოჩნდა ძალადაკარგული ან ბათილი, იგი ჩაითვლება არარსებულად. ამასთან ყველა დანარჩენი დებულება ძალაში დარჩება.

წინამდებარე „აპლიკაციით სარგებლობის წესები და პირობები“ რეგულირდება და განიმარტება საქართველოს კანონმდებლობის შესაბამისად.

„აპლიკაციით სარგებლობის წესებთან და პირობებთან“ დაკავშირებით წამოჭრილი ყველა დავა და უთანხმოება გადაიჭრება მხარეთა შორის მოლაპარაკების გზით, წინააღმდეგ შემთხვევაში მხარეები მიმართავენ სასამართლოს. ამასთანავე დავის მხარეთა შორის მორიგებით გადაჭრის შესაძლებლობა არც ერთ მხარეს არ ართმევს უფლებას თავიანთი უფლებების დასაცავად მიმართონ სასამართლოს შესაბამისი მოლაპარაკების გამართვამდე.

შპს პაუ გრუპი 

საკონტაქტო ინფორმაცია

ს/კ 405622349

598570004